Огромен и историски успех на футсал тимот на Форца како и воопшто на мак-футсалот. Кумановци ја завршија квалификациската група како победници и со тоа се пласираа во главната групна фаза во Лигата на Шампионите со што се најдоа меѓу најдобрите 32 екипи во Европа.
Тимот на Форца синоќа успеа да го победи тимот на Ереван од Ерменија со 5:0, во меч во кој кумановци целосно доминираа.
Претходно тимот на Форца, во рамките на групата – А, успеа да слави над Енкамп со 4:0 и Мурата со 1:0, па така завршија како први во групата чии мечеви се одиграа во Куманово.
Секако дека ова е голем успех за македонскиот шампион. Инаку допрва ќе се знае во која група ќе се падне Форца во рамките на главната групна фаза во Лигата на Шампионите.
