Магија на Соболслај за победа на Ливерпул во дербито на сезоната (ВИДЕО)

135
фото: Liverpool FC (X)

Шампионот Ливерпул го доби големото сезонско дерби со Арсенал на „Eнфилд“ со 1:0 и се проби на чело на табелата со третата последователна победа. Мајсторијата на Доминик Собослај од слободен удар му донесе голема победа на тимот на Арне Слот во дуел со главниот противкандидат за шампионскиот трофеј оваа сезона.

Мечот помина во жестока битка во сите 90 минути. И двата тима се вложија до максимум, а неколкумина и настрадаа од повреди по жестоките дуели. Арсенал беше подобар тим во првите 45 минути, но Ливерпул доминираше во вториот дел, кога и ја искористи шансата во 83-тата минута, па со феноменалниот погодок на Собослај дојде до предност за голема победа.

Пред септемвриската репрезентативна пауза Ливерпул стана единствениот тим со максимален учинок, додека Челзи остана без трета победа и сега заостанува два бода зад лидерот.

ПретходноЕП 2025: Израел со сензационална победа над Франција, Шпанците сигурни
Следно„Милионерите“ ја остварија првата победа