Денеска продолжува четвртата етапа од новиот ПМФЛ шампионат во кој што тимот на Тиквеш ќе има задача да стгине до првата победа. Овојпат противникот е Брера, екипа која што пристгинува во Кавадарци со свои амбиции и математики што се вели. Во Кавадарци ситуацијата не е сјајна. Јавноста во градот бара победа, бара бодови, и екипата е реално под императивот на успех денеска.
„Имаме лош старт на сезоната, тоа не е спорно. Сепак, знам дека овој тим на Тиквеш заслужува и може многу повеќе од ова. Тоа сигурен сум дека ќе го докажеме уште денеска. Брера е млад но квалитетен тим. Бев во Струмица долг период, ги познавам добро повеќето од играчите. Секогаш е тешко да се игра против тим кој се брани. Сепак, ќе дадеме се од себе за да ги освоиме трите бода. И за нас, и за клубот и за градот и навивачите. Тоа Кавадарци и Лозари го заслужуваат. Шампионатот е долг, има Тиквеш уште многу што да каже на теренот“ – изјави Даниел Миловановиќ.
