Иако беше најавен директен пренос, сепак поради проблеми од страна на германска страна, на МРТ засега не се емитува првиот дуел меѓу Хановер и Алкалоид за пласман во групната фаза во Европкста лига. Алкалоид после 30 минути игра има негатива од четири гола (19-15).
Добра игра на избраниците на Кирил Лазаров во првите 15 минути од првото полувреме против фаворизираниот бундес-лигаш не е изненадување. Иако има негатива, сепак тоа не се должи не инфериорноста, туку на неискористените шанси и бројните промашувања од чисти ситуации.
Хановер на стартот поведе со 4-2 и 5-3, период во кој Серафимов не реализираше од седум метри. Но, Алкалоид трпеливо ја градеше својата игра и ја чекаше својата шанса, прво израмни на 6-6, а потоа во 11-тата минута која со головите на Тордарсон и Серафимов поведе со 8-9. Технички грешки и две минути исклучувања беа доволни за да противникот поведе со највисоки 14-11 во 17 минута. Борзаш одговори по тајм-аутот на Лазаров, Галевски запиша две одбрани, но соиграчите не го искористија тоа.
Германскиот тим дојде на плус 5 (18-13) откако Петковски, Џонов, Борзаш, а потоа Серафимов (не реализираше од седум метри) беа непрезицни. Дамјан Митев ја прекина лошата серија на Алкалоид за 18-14, Ѓорѓиев доближи на 18-15. На одморот македонскиот тим заминува со минус 4 (19-15).
