Конечно тимот на Македонија ЃП успеа да се израдува во овогодинешната ПМФЛ сезона. Во рамките од четвртото коло, „Лавовите“ успеаа на свој терен да го совладаат Пелистер со конечни 2:1, и на тој начин да го симнат товарот и императивот на поволен резултат сезонава.
Домаќинот лошо го почна овој меч откако по само две минути игра Пелистер преку Радуловиќ успеа да го совлада Јанков и да поведе со 0:1.
Тоа домаќинот не го поколеба кој беше решен денеска да се избори за бодови и така и беше. Во 24. минута Гереро продре во шеснаесетникот, Стефан Спировски реагираше со лизгачки старт и направи рпекршок за пенал.
Сигурен реализатор беше Симеон Христов. Во вториот дел МЃП имаше повеќе од играта, создаде повеќе ситуации пред противничкиот гол и заслужено поведе. Гереро од лево нафрли на петерецот, Елмас се обиде, голманот на Пелистер одбрани но ја одби топката во поле, а колумбиецот се најде на вистинското место и реализираше за водство.
Во Кавадарци пак, Тиквеш и покрај желбата, инцијативата и шансите сепак, не успеа да го совлада противникот, односно тимот на Брера и одигра само 0:0.
