Доминик Собослај е херојот на Ливерпул во вечерашната победа против екипата на Арсенал. Унгарецот постигна фантастичен погодок од слободен удар и по натпреварот го даде своето мислење за перформансот на својот тим.
„Уште од кога ја почнавме сезоната вежбав слободни удари. Овој удар беше малку подалеку од голот, но си реков ајде да ризикувам. На крајот ризикот се исплатеше бидејќи му донесе победа на мојот тим. Натпреварот беше многу тежок, тие имаат навистина одличен тим и одличен тренер, но ние дадовме се од себе и успеавме да победиме. Многу сум среќен поради голот бидејќи предходната сезона не изведував слободни удари, тоа најчесто го правеше Трент, а сите знаеме дека тој е неверојатен во овој сегмент на играта. Сезоната е уште долга и мораме да продолжиме да се бориме и да даваме се од себе за да ја оствариме нашата цел и да ја одбраниме титулата.“
