Капитенот на српската кошаркарска репрезентација, Богдан Богдановиќ, доживеа повреда која дефинитивно го исклучува од понатамошниот тек на Европското првенство. Како што преесуваат медиумите во Србија и тоа од извори во САД, потврдено е дека станува збор за руптура на мускулите на задната ложа, па затоа одличниот шутер повеќе нема да може да им помага на своите соиграчи на теренот на ова ЕП.
Богдановиќ сакаше да ги предводи „Орлите“ до злато и беше вистински лидер на теренот во натпреварот против Естонија и во текот на 15 минути од играта против Португалија. Сепак, повредата го запре и го принуди да го помине остатокот од турнирот покрај своите соиграчи, како морална поддршка.
Иако ова е голем удар за Богдан, неговата борбеност и саможртва се дополнителна мотивација за остатокот од тимот на Светислав Пешиќ.
Србија сега ќе има уште посилна причина да се бори за титулата и, на 14 септември, во финалето во Рига, можеби да му донесе злато на својот капитен, кој уште еднаш покажа колку му значи репрезентацијата.
