Кошаркарската репрезентација на Грција веќе обезбеди учество во осминафиналето на Европското првенство.
Тренерот на Грција, Василис Спанулис, соопшти дека моменталниот скор на тимот е 3:0, а следниот меч ќе го играат против Босна и Херцеговина.
Во последниот меч против Грузија, одлична партија покажа Јанис Адетокумбо. Гркот доминираше со 27 поени и осум скокови, водејќи ја Грција до третата победа на Евробаскетот.
На прес-конференцијата по мечот, Спанулис доби интересно прашање: дали Јанис може да се спореди со легендите на грчката кошарка, вклучително и со Никос Галис.
Спанулис имаше интересна реакција, а потоа искрено одговори:
„Не, не можам да ги споредам. Сите во Грција играме кошарка поради еден човек – Галис, и секако поради целата таа генерација. По нив дојде нова генерација, па имавме три медали во пет години со играчи како Зизис, Диамантидис, Папалукас“, започна Спанулис.
Сепак, тој нагласи дека исклучително го цени Јанис и сè што тој носи во репрезентацијата на Грција:
„Секоја генерација е различна. Благословени сме што го имаме Јанис, бидејќи секогаш има вистински пристап и менталитет. Тој е многу скромен, игра за својата земја, ги сака своите соиграчи. Присутен е и сака да победува заедно со нив“, рече Спанулис.
