Поголем дел од јавноста во светот на тенисот остана импресионирана од убедливата победа на најдобриот српски тенисер Новак Ѓоковиќ во четвртфиналето на УС Опен против Германецот Јан-Ленард Штруф, но уште поголемо внимание привлече неговиот разговор со новинарите во понеделникот рано наутро.
Новинарите поставија низа прашања, а едно од нив се однесуваше на четвртфиналниот меч против Тејлор Фриц ќе го игра токму на роденденот на својата ќерка Тара.
„Точно е, предвидивме дека може да се случи. Не беше баш среќна што ќе ме нема на роденденот, не ми напомнувајте за тоа! Ќе се обидам да ѝ подарам победа и уште некое убаво изненадување. Се надевам дека ќе биде задоволна и со победата. Голема е разликата дали татко е присутен или не, но сега е вака“, рече Ѓоковиќ во Њујорк.
Ѓоковиќ ноќеска стигна до своето 64-то Гренд слем четвртфинале, а новинарите го потсетија на историскиот низ на Џими Конорс како 39-годишник.
„Бев многу млад тогаш. Не се сеќавам точно кога се случувало, но како што растев и гледав тенис, сите зборуваа дека тоа е историски низ на победи. Џими Конорс е еден од најголемите на сите времиња, глобална икона на тенисот, особено на УС Опен. Тој знаеше како да ја ‘разгори’ публиката како никој друг. Да бидам дел од истата приказна со него секогаш е чест“, рече Ѓоковиќ.
Пред да започне со подетална анализа на Фриц, Новак изрази желба да се сретне со Роџер Федерер и Рафаел Надал за опуштен разговор за најзначајните моменти во нивните кариери.
„Многу прашања би им поставил. Би прашал како пристапуваа кон мечевите против мене, дали сум им бил досаден и што мислеле дека треба да направат. Би сакал малку да ги испитам, тоа би било неверојатно. Ќе видиме дали ќе се случи, не знаеме“, рече тој.
Потоа го анализираше стилот на игра на Фриц и ги истакна сегментите кои му се допаѓаат, со желба мечот да се игра навечер:
„Очекувам дека ќе проба нешто поинакво. Не мислам дека ќе има големи промени, бидејќи секој играч се држи до својот план на игра, до своите предности. Тој има сервис и форхенд, тоа се два големи адути. Напредувал е во движењето, бекхендот му е цврст и рамномерен, но сметам дека неговото движење е потценето, особено во последните две години, тоа му донесе финале на Гренд слем и уште некои полуфиналиња. Сега ќе играме четвртфинале навечер – така барем слушнав, можеби… Би сакал да се игра навечер, ќе видиме. Знам што треба да направам, но многу работи можат да влијаат на тоа како се чувствуваш и како играш. Ме охрабрува како играв сега и се надевам дека ќе продолжам“, изјави Ѓоковиќ.
Токму уверениот пат кој го одигра од стартот на УС Опен му дава самодоверба дека овој летен турнир може да заврши со трофеј во Њујорк, но Србот не сака да се преоптовари со тоа.
„Далеку е тоа. Морам да одам меч по меч. Сонував за уште еден Гренд слем, би било неверојатно да успеам тука, но не смее да си дозволам да одам толку далеку со размислувањата. Последниот Гренд слем го освоив тука пред две години, би било убаво да се заокружи тука. Ќе видиме“, рече Ѓоковиќ, кој последен пат против Фриц играше во Шангај минатата година.
