По вчерашната објава дека тренерот на Брера Струмица Панче Стојанов си поднесе оставка од кормилото на тимот, денеска од клубот истата ја потврдија и прифатија.
Брера по четири првенствени кола ќе бара нов тренер. Стојанов, како што се вели во соопштението од клубот, поднел оставка од лични причини и истата не се должи на постигнатите резултати на првиот тим на почетокот на оваа сезона.
„Оставката е лична бидејки не можам да ја исполнам мојата визија и планови со екипата во дадените околности. Оваа екипа има потенцијал и верувам дека со посветена работа ќе се исполни зацртаната цел а тоа е опстанок во Првата лига“, вели Стојанов.
Сега останува Брера да назначи ново тренерско решение до следното коло од домашниот шампионат.
