Кирил Лазаров на официјална прес-конференција пред реванш дуелот со Хановер во рамките на квалификациското коло за пласман во групната фаза во Европската лига, зборуваше за здравствениот билтен во редовите на Алкалоид. Добро е познато дека Марко Митев и Никола Костески веќе долго време се надвор од терените, но Лазаров најави нивни кам-бек во скоро време.
Митев ќе се врати за еден месец и ќе биде во составот на македонската репрезентација за ЕП во Данска. Во стројот на актуелниот освојувач на ЕХФ Европскиот Куп ќе се врати за ист временски период и Костески.
„Добра вест е што и десното крило Никола Костески, кој беше повреден во голем дел од ланската сезона, исто така е во напредна фаза од рехабилитацијата.
Костески е околу две седмици зад Митев во процесот на рехабилитација, но и тој исто така ќе биде наскоро во тимот. Тоа е одлична вест за нас бидејќи станува збор за двајца важни ракометари во тимот“, истакна стратегот на Алкалоид.
