Откако по само два месеци престој во Леверкузен доби отказ, се чини дека Ерик Тен Хаг по нешто помалку од три години ќе се врати во својот Ајакс.
Имено како што пренесуваат медиумите во Холандија, најголемиот клуб во таа земја и некогашен четирикратен европски првак, и тоа како пројавил интерес повторно да му ја довери клупата на стратегот со кого тој пред да замине во Манчестер Јунајтед и тоа како имаше успешни резултати и освојуваше титули на домашна сцена.
Сепак Ајакс сега има тренер, а тоа е Џон Хејтинга, кој минатата сезона му беше помошник на Арне Слот во Ливерпул. Хејтинга на стартот од новата сезона има и добри резултати со Ајакс, но јавноста во Холандија не верува дека токму тој е решението за клупата на овој клуб.
