Кошаркарите на МЗТ Скопје А. почнаа со победа на првиот пријателски меч во очекување на новата сезона. Денеска аеродоромци одиграа тест-натпревар со екипата на Бора во приштина и славеа со 82:79 (20-18, 17-21, 22-19, 23-21).
Најефикасен на мечот беше Чарлс „Ел-Џи“ Гил со 31 поен и 8 скока, а го следеа Елајџа Мекејден со 18 поени, Андреј Магдевски со 11 поени, 5 скока и 4 асистенции и Дамјан Стојановски со 10 поени.
МЗТ Скопје А. на овој натпревар настапи без Андреј Маслинко поради помала повреда. Следниот котролен меч за „металците“ е идната сабота против Гостивар.
