Иако со мали измени, сепак Шкендија останува верна на својата традција кога станува збор за дресовите во последните години со кои настапува како во Македонија така и во Европа.
Македонскиот шампион, преку Бесарт Ибраими, и официјално го промовираше дресот со кој ќе игра оваа есен во фудбалска Европа, во Лигата на Конференции, но и на домашната сцена.
Да потсетиме дека на 2 октомври, во меч од 1.коло во лигашката фаза во Лигата на Конференции, Шкендија ќе му гостува на Рајо Ваљекано.
