Победа на стартот од турнирот W75 во Букурешт на македонската тенисерка Лина Ѓорческа. Во исцрпувачки меч што траеше 170 минути Ѓорческа ја совлада домашната тенисерка Георгиа Крачун со 2-1 во сетови (64 46 75). Турнирот се игра за награден фонд од 60.000 долари.
Македонската тенисерка поведе во мечот откако го доби првиот сет со 6:4 во сетови, откако постојано водеше. Во вториот сет Крачун имаше предност во сетот што го доби со идентични 6:4. Во решавачкиот сет македонската тенисерка поведе со 3:0 во гемови, а ривалката изедначи на 3:3. Ѓорческа имаше ново водство од 5:3, но Крачун пак изедначи на 5:5, за следните два гема да ги освои македонската тенисерка што значеше и победа и пласман во следната рунда.
Во второто коло Лина утре ќе игра со победничка од мечот на квалификантките италијанските тенисерки Ноеми Бастилети, која со 2-1 ја победи Лаура Маир.
