Ергин Атаман, селекторот на Турција, зборуваше по натпреварот против Германија во финалето на Евробаскетот. Неговата селекција не успеа да дојде до златниот медал и да испише историја.
„Во текот на целото првенство, премногу зборував на прес-конференцијата. Сега немам зборови. Разочарани сме што загубивме натпревар што го контролиравме. Честитки до Германија за освојувањето на златниот медал“, рече турскиот стручњак.
На прашањето за последната акција и промашената тројка на Шенгун, тој рече:
„Не сакам да коментирам за одлуките на играчите. Натпреварот заврши, тој го направи тој шут.“
Прв медал надвор од Истанбул.
„Нема да зборувам за позитивни работи сега. Можеби утре, сега сум премногу вознемирен поради поразот во натпревар во кој ја имавме победата во наши раце“, заклучи Ергин Атаман.
