Кога ќе се победи еден Пелистер и тоа среде Битола со 0:4, кога тоа ќе биде прва и историска победа на својот клуб во ПМФЛ, кога ќе се одигра маестрално, тогаш јасно е дека стратегот на тој тим е и тренер на колото.
Нема дилеми дека Вилдан Салиу (Арсими) е тренер на 5. коло во тековната сезона. Затоа сите признанија, почести и честитки одат на негова адреса и секако на адреса на неговиите избраници кои вчера во Битола му го нанесона еден од најтешките порази на Пелистер на негов терен.
Секако дека во конкуренција беше и тренерот на Струга ТЛ, Бледи Шкемби па и поради тие “пет од пет“, но сепак признанието – тренер на колото го добива Вилдан Салиу.
