Некогашниот фудбалер на белградска Црвена звезда, Дејан Миловановиќ починал денеска. Тажната вест ја објавија српските медиуми, известувајќи дека 41-годишниот Миловановиќ починал од срцев удар и тоа за време на фудбалски натпревар.
Поранешниот капитен на Црвена звезда и дел од „генерацијата 1984“ почина во Белград за време на натпреварот меѓу ветераните на Звездера и ПКБ.
Миловановиќ паднал на теренот, веднаш му била укажана помош и бил префрлен во болница, но лекарите не успеале да му го спасат животот.
