Откриени се деталите од двегодишниот договор што Жозе Мурињо го потпиша со Бенфика, а се појави и клаузула што би можела да му дозволи на португалскиот стручњак да ја напушти клупата на крајот од оваа сезона. Да потсетиме дека 62-годишниот Мурињо е без работа откако беше отпуштен од Фенербахче минатиот месец поради неуспехот да се квалификува за Лигата на шампионите, а неговото доаѓање во Бенфика беше потврдено во четврток попладне, пишува Дејли Меил.
Иако Бенфика во соопштение за медиумите изјави дека е постигнат договор со Мурињо за „договор за спортско вработување што ќе важи до крајот на спортската сезона 2026/27“, португалскиот медиум Рекорд открива детал. Тој содржи клаузула за раскинување според која „секоја страна може да го раскине договорот“ во период од 10 дена по завршувањето на тековната сезона.
Доколку договорот не оди според планот, Бенфика би платила „значително пониски трошоци“ за предвремено раскинување. Клаузулата важи и за Мурињо, кој ќе мора да му плати на клубот „еквивалентен износ“ ако одлучи да си замине.
Мурињо собрал богатство од раскинувања на договори. Само тоа му донело повеќе од 100 милиони евра.
Заработката на Мурињо од неговото отпуштање:
Челзи (прво отпуштање) – 20,88 милиони евра
Реал Мадрид – 19,72 милиони евра
Челзи (второ отпуштање) – 9,63 милиони евра
Манчестер Јунајтед – 22,74 милиони евра
Тотенхем – 17,40 милиони евра
Рома – 3,48 милиони евра
Фенербахче – 8,93 милиони евра
Вкупно – 102,8 милиони евра
Мурињо ја предводеше Бенфика во 10 натпревари во 2000 година, пред да замине поради промени во раководството. После тоа, неговата кариера тргна по нагорна траекторија. Тој ја освои Лигата на шампионите со Порто, титули во Премиер лигата со Челзи и бројни трофеи со Интер, Реал Мадрид, Манчестер Јунајтед и Рома.
