Швајцарската пилотка Лаура Виларс ненадејно најави дека ќе се кандидира за да стане првата жена претседател на ФИА.
28-годишната Виларс вчера ја објави својата кандидатура против актуелниот претседател Мохамед Бен Сулајем и Тим Мејер, кој веќе ја потврди својата кандидатура во претседателските избори во ФИА.
„ФИА мора повторно да биде федерација на клубови и носители на лиценци“, напиша Виларс, изложувајќи ја својата програма.
„Мојата амбиција е управување кое е подемократско, потранспарентно, поодговорно и отворено за жените и новите генерации. Цврсто верувам дека на мотоспортот му се потребни разновидност и иновации за да продолжи да ги инспирира помладите генерации низ целиот свет“, напиша таа.
