Менаџерот на Манчестер Сити, Пеп Гвардиола се пошегува за антирекордот кој неговиот тим го постави на вчерашниот меч со Арсенал. Сити имаше само 33% посед на топката во овој натпревар – рекордно низок процент за тим предводен од Пеп Гвардиола. Во ниту еден од неговите претходни 600 натпревари (ова беше неговиот 601-ви меч) тимовите кои ги водел Шпанецот немале толку мал посед.
„Не можам да ја напуштам оваа земја без да поставам уште еден рекорд, знаете. Да, горд сум на тоа“, се пошегува Пеп.
„Ќе му оддам признание на Арсенал за тоа што го направија. Понекогаш го сакаш, понекогаш не. Одлично е, особено кога се браниш со петмина. Не го планиравме тоа, но мора да го прифатиме. Ако тимот е подобар во оваа област, игра подобро. Често ја користиме фразата „паркирај го автобусот“ на негативен начин. Дали мислите дека „паркирај го автобусот“ е нешто лошо или е прифатливо? Понекогаш не сакаме да го правиме тоа, но се случува. Еднаш на секои десет години, нема ништо лошо во тоа“, рече менаџерот на Манчестер Сити.
