Фудбалерите на Милан ја совладаа екипата на Лече со 3:0 и се пласираа во осминафиналето од италијанскиот куп. Избраниците на Масимилијано Алегри немаа големи проблеми против гостите кои играа со играч помалку од 18-тата минута кога исклучен беше Сиберт.
Резултатот го отвори Хименез со гол во 20-тата минута и со тој резултат екипите заминаа на одмор. Во вториот дел Нкунку во 51-та и Пулишиќ во 64-тата минута ја зацементираа победата на „росонерите“.
