Репрезентативецот на ПСЖ и Франција, Усман Дембеле, ја освои „Златната топка“, која ја доделува францускиот фудбалски магазин „Франс фудбал“. Францускиот крилен напаѓач доби најмногу гласови во натпреварување во кое беа вклучени Ламинe Јамал, Витиња, Рафиња и Мохамед Салах.
Дембеле ја освои Лигата на шампионите, француското првенство и францускиот куп со ПСЖ минатата сезона, додека оваа сезона ја отвори со титулата во Европскиот суперкуп. Тој постигна 35 гола и имаше 16 асистенции во 53 настапи за парижаните минатата сезона, што е речиси еден гол по натпревар.
Откако ја прими наградата од легендарниот Роналдињо, поранешен освојувач на Златната топка, Дембеле рече:
„Искрено, малку сум под стрес. Ја добив оваа награда од една од најголемите легенди на сите времиња, не можам да поверувам. Ова е награда благодарение на тимот. Сакам да им се заблагодарам на сите мои соиграчи. Сакам да ѝ се заблагодарам на Барселона, клубот од моите соништа. Играв со Лионел Меси, сакам и нему да му се заблагодарам, научив толку многу од него. Сакам да му се заблагодарам на Дешан. Да се надеваме дека ќе можеме да го освоиме и Светското првенство.“
Дембеле се обрати на своето семејство и не можеше да ги скрие солзите за време на говорот, а членовите на неговото семејство кои беа снимени од камерата во публиката исто така се расплакаа.
Matters as well 🥺🌕 #ballondor pic.twitter.com/Jsxpl5QV9d
— Ballon d’Or (@ballondor) September 22, 2025
„До мајка ми, сакам да ви се заблагодарам. Секогаш бевте тука за мене, мамо. До моето семејство, поминавме низ толку многу заедно. Поминавме низ сè. Секогаш ќе бидеме заедно“, рече Французинот.
На крајот, мајката на Дембеле се качи на сцената и го прегрна својот син во уште еден емотивен момент на церемонијата, која се одржа во Париз вечерва.
A moment for History 🤩#ballondor
— Paris Saint-Germain (@PSG_English) September 23, 2025
