Серу Гираси, е сериозен кандидат да го наследи Роберт Левандовски во Барселона, објавува германскиот „Билд“, напоменувајќи дека фудбалерот на Борусија Дортмунд е голема желба на тренерот Ханси Флик.
Како што се најавува, каталонскиот гигант сигурно ќе биде без најдобриот полски фудбалер следното лето, а најновите информации велат дека тоа би можел да биде Гираси, човек кој блеска откако пристигна во Бундеслигата пред три години.
Ништо не предвидуваше дека 29-годишниот Африканец ќе блесне на тој начин во Бундеслигата, иако веќе покажа во Рен. Одличната сезона 2023/24 во Штутгарт и преселбата во Борусија Дортмунд беа најдобра потврда дека формата на Гираси е на пат кон еден од гигантите во Европа.
Сепак потенцијален проблем би можело да биде тоа дека Гираси има договор со Борусија до летото 2028 година, а „милионерите“ имаат можност да заработат сериозни пари од играчот што го доведоа од Штутгарт минатото лето за отштета од 18 милиони евра.
