Новак Ѓоковиќ проговори за смртта на легендарниот Никола Пилиќ. Српскиот тенисер во своите почетоци токму покрај себе го имаше Хрватот, на социјалните мрежи сподели емотивна порака.
„Драг Нико, денес добив тажна вест додека бев на теренот, завршувајќи го мојот тренинг. Чувство на празнина и тага ме обзеде. Се надевам дека почувствува колку многу ми значеше во мојата кариера и живот. Твоето влијание врз мојот развој како човек и тенисер останува неизбришливо. Чувствувам вечна благодарност кон тебе и твојата прекрасна сопруга Мија што ме прифати како свој син кога имав 12 години.
Моите родители и браќа секогаш те чувствуваа како член на семејството. Кога речиси сите ни го свртеа грбот и додека нашата земја беше уништена во бомбардирањето, Мија и ти ни подадовте рака на поддршка и направивте сè што е во ваша моќ за да можеме јас и моите браќа да продолжиме да го живееме нашиот сон и да се занимаваме со спортот што го сакаме.
Ви благодарам за сите моменти што ги доживеав кои ќе останат врежани во моето сеќавање сè додека сум жив. Покрај тагата и измешаните емоции што ги чувствувам, твојата слика и сеќавањата на споделените моменти ми носат радост и благодарност во срцето.
Твоето наследство ќе трае долго. Сите достигнувања како играч, тренер и селектор се запишани со златни букви во книгите за спортска историја на Балканот и светскиот тенис. За мене, сепак, најважно е што со гордост можам да ве наречам „Сјор Нико, мојот татко на тенисот“.
View this post on Instagram
