Светислав Пешиќ сепак ќе остане во српската репрезентација, но во малку поинаква улога во Кошаркарскиот сојуз на Србија.
Планот е да се формира ново експертско тело, нешто слично на Експертскиот совет што постоеше претходно, а Светислав Пешиќ, како што објави Моцартспорт, ќе има токму таква експертска улога и ќе остане близок соработник на Небојша Човиќ.
Ова не може да се нарече изненадување, со оглед на тоа што српскиот експерт долго време велеше дека на српската кошарка ѝ се потребни промени на бројни нивоа на организацијата, а сега ќе се обиде да помогне со своето искуство и знаење.
За потсетување, мандатот на Светислав Пешиќ како главен тренер истече на крајот на септември, што значи дека тој повеќе не е на чело на Србија.
Него го замени Душан Алимпијевиќ, кој се обврза на тригодишна соработка.
