Нема дилеми кој тим вечерва во Мадрид на „Ваљекас“ е голем фаворит. И според играчкиот квалитет, и според реномето и рејтингот, секако дека тоа е Рајо Ваљекано. Клубот од предградието на Мадрид не спаѓа во кремот на шшанскиот фудбал, каде што се Реал Мадрид, Барса и Атлетико Мадрид, но сепак во последните години важи за фактор во Ла Лига. Доказ е дека во екстремно силна конкуренција во Ла Лига да се избори за излез во Европа, па макар тоа било во Лигата на Конференции.
Инаку Рајо е апсолутен фаворит и според вредноста на тимот кој според Трансвермаркет вреди 77,4 милиони евра што за нас е научна фантастика.
Само романскиот репрезентативец Андреј Ратиу вреди 12 милиони евра или колку две Шкендии. Имено тетовци имаат состав кој според Трансфермаркт вреди 6,05 милиони евра, а Клисман Цаке поединечно со 600.000 е со највисока вредност.
