Новото раководство на Кошаркарската федерација на Македонија одлучи да ги смени лошите навики на клубовите за да може овој спорт да заживее.
„Животот на вересија“ се чини завршува. Уште пред стартот на првенството од федерацијата им наложија на сите клубови на пет рати до јануари следната година да ги исплатат долговите по сите основи, нема да прави исклучок само за една работа, а тоа е лиценци за странски играчи.
Вкупниот долг на сите клубови во државата кон федерацијата е над 200.000 евра. За расчистување на истиот екипите потпишале договор, со кој се обврзуваат да ги подмират во следните нецели четири месеци, во спротивно може да се збогуваат со настап во било кое натпреварување.
Она за што нема да се прави исклучок тоа се лиценците за странски играчи, тие треба да се подмират до почетокот на сезоната, за Прва лига мажи тоа е денеска, па доколку некој од клубовите должници не го сторат тоа и немаат доказ, ќе треба да се помират со службен пораз.
Со оглед на тоа дека прволигашите се навикнати на да бидат комотни, овие промени ќе им дојдат тешко, но истите веќе ги применуваат бидејќи во КФСМ не сакаат да слушнат за одложување на било која обврска пропишана со правила и пропозиции.
