Партизан ја прослави својата прва победа во Евролигата откако во второто коло славеа против Милано со 80:78.
И покрај победата, Жељко Обрадовиќ имаше причина да биде лут, бидејќи неговите играчи се опуштија.
„Одигравме прилично добро прво полувреме. Исто така, сакам да им честитам на играчите за победата бидејќи поминавме низ тежок период. Ни беше тешко да играме тука сега, но ова е важна победа за нас и сега продолжуваме кон следните натпревари“, рече Обрадовиќ и коментираше што беше различно во споредба со Дубаи:
„Мислам дека затоа што го променивме начинот на кој играме одбрана за 48 часа. Игравме многу агресивна одбрана и тоа е она што сакаме да го направиме оваа сезона.“
По него, збор имаше Еторе Месина.
„Ова беше вистинска војна. Ова е таа одлична атмосфера. Ова дефинитивно ќе биде долга сезона за сите нас“, рече Месина и се оддалечи од новинарката кој земаше изјави.
Таа беше малку шокирана од однесувањето на познатиот тренер, но беше очигледно дека поразот не дојде на најдобар начин за него во вториот натпревар во Белград.
За потсетување, Олимпија Милано ја победи Црвена Звезда Белград во првото коло од Евролигата.
