Македонскиот репрезентативец, Андреј Јакимовски и неговиот Тренто успеаја да го преживеат тешкото гостување кај Будуќност и да дојдат до првата победа во Еврокупот. Италијанскиот тим славеше со 96-107 во меч од второто коло.
Нашиот репрезентативец беше еден од најдобрите кошаркари во составот на Тренто, тој беше втор стрелец. Зад своето име запиша 15 поени, два скока и две асистенции за нецели 16 минути во игра. Јакимовски имаше 3/5 за три поени, два од два од поле и 1/3 од линијата за слободни фрлања.
Тренто можеше мечот да го добие многу полесно, но му дозволи на противникот во самиот финиш да се доближи за драма до последните секунди.
