Репрезентацијата на Македонија до 17. Години предмалку на стартот од квалификацискиот турнир на кој што сме домаќини во Струмица, одигра 2:2 против репрезентацијата на Унгарија.
Во исклучително неизвесен квалитен меч, нашите млади фудбалери на два пати беа во негатива, но и на два пати израмнуваа, а на крајот имаа шанси и да го добијат сите три бода.
Унгарците поведоа преку Полонкаи во 23. Минута, но со иницијатива во финишот на првиот дел, Македонија преку Јаков Стојковски израмни на 1:1 во 44. Минута.
Само што започна вториот дел, Ингарија преку Босзе повторно дојде до водство, овојпат од 1:2, но играчот на Македонија ЃП, Мартин Џангаровски во 67. Минута ни носи изедначување од 2:2.
Следуваше борба за секоја топка, и безброј дуели на младите фудбалери. Шанси и на двете страни но ниту една не беше искористена.
Следниот дуел на Македонија У17 е на 11 октомври против Чешка, а во последното коло се среќаваме со Гибралтар на 14 октомври.
Македонија: Суљовиќ, Митев, Иванов, Михајловски, Цветковски, Љачка, Цветковски, Џангаровски, Папалиски (Кнежевиќ 62), Стојковски (Мамути 90), Исламовиќ (Митревски 90)
Стрелци: Стојковски 44, Џангаровски 67 (М)
