Неверојатниот Ерлинг Халанд постигна 50 гола за својата репрезентација побрзо од сите водечки светски напаѓачки ѕвезди низ историјата. Норвежанецот постигна хет-трик на квалификацискиот натпревар за Светското првенство во 2026 година против Израел (5:0) одигран денеска и дојде до 51 гол за норвешката репрезентација на само 46 одиграни натпревари.
Ерлинг постигна педесет гола за репрезентацијата побрзо од Хари Кејн (Англија) кому за тоа му беа потребни 71 настап за Англија, но и од Нејмар (Бразил) – 74, Килијан Мбапе (Франција) – 90, Роберт Левандовски (Полска) – 90, Лионел Меси (Аргентина) – 107 и Кристијано Роналдо (Португалија) – 114.
