И Шарл Леклер е разочаран од темпото на Ферари во 2025 година. Од возачот на Ферари беше побарано да ги опише предизвиците на тимот оваа сезона, а тој прво го потенцираше разочарувањето.
„Како тим, сите сме разочарани. Секогаш се стремиме кон прво место, а не кон второ, трето или четврто место во шампионатот на конструктори – особено кога станува збор за Ферари. Тоа не е она што го сакаме. Не сме задоволни и мора да се подобриме. Секој член на тимот го разбира ова. Искрено, ако знаев точно каде губиме моментум, ќе беше лесно да се поправи. Но, не е толку едноставно. Ние, Мерцедес и Ред Бул, сите направивме слични чекори напред меѓу минатата и оваа година. Но, има еден тим кој успеа да открие нешто посебно: Мекларен. Сега, за да ја намалиме разликата, нашата задача е да разбереме што направивме погрешно. Се чини дека Ред Бул пронашол дел од решението – го видовме тоа во последните неколку трки. Ние сè уште не сме успеале. Работиме на тоа“, изјавил Леклер.
