Македонија вечерва од 20:45 часот на Арената “Тодор Проески“ во Скопје и тоа против Казахстан, во рамките на квалификациите за СП 2026, ќе го одигра својот јубилеен 300.меч во својата историја.
Се почна со победата во Крањ на 13.10.1993 кај Словенија со 1:4, а еве вечерва играме екстра важен меч со Казахстан за пласман на СП 2026.
Ова е неофицијална бројка, ако се знае дека во тие 32 години игравме и неофицијални пријателски мечеви, но е земена од бројот на натпревари на селекторите.
И ако е така, ако ова е 300 јубилеен меч на Македонија, тогаш нека овој јубилеј го прославиме со победа.
Неверојатно.
И на првиот меч игравме на 13 октомври, и овој 300-тиот го играме на 13 октомври.
Во тие 299 натпревари, Македонија забележала 97 победи, има 76 ремија и 126 порази.
Вечерва селекторот Благоја Милевски по 48 пат ќе ја предводи Македонија, има 19 победи, 13 ремија и 15 порази.
Македонија е во серија од 13 меча без пораз.
