Македонија во пресрет на вечерашните два меча, во Скопје и Кардиф, се наоѓа на чело на табелата во групата Ј за пласман на СП 2026.
По она реми во Гент, сега за директен пласман на Мундијалот не зависи само од нас.
Вечерва играат Македонија – Казахстан (Скопје) и Велс – Белгија (Кардиф).
Со победа вечерва и дефинитивно ќе останеме лидери на табелата во пресрет на ноемврискиот циклус, но тогаш ќе имаме само еден меч, а Белгија и Велс по два.
И тоа е проблем за нас, посебно ако се погледне како сега изгледа табелата:
Македонија 12 (6), Белгија 11 (5), Велс 10 (5).
А ова се сите мечеви до крајот во нашата група:
Македонија – Казахстан, Велс – Белгија, Казахстан – Белгија, Лихтенштајн – Велс, Велс – Македонија, Белгија – Лихтенштајн.
Познато е дека само победникот во групата обезбедува директен пласман на Мундијалот, а второпласираната ќе игра бараж.
Македонија да биде и трета, ќе игра бараж поради триумфот во Лигата на Нации.
Значи ако сакаме да одиме директно на СП 2026 како првопласирана селекција, мораме вечерва да славиме против Казахстан а потоа во ноември да славиме кај Велс на гости, но мора и вечерва Велс да слави над Белгија. Се друго е неважно во поглед на тоа дали можеме да завршиме како први.
А се ќе беше поинаку ако на 25 март оваа година на мечот Македонија – Велс во Скопје, во таа проклета 90+6.минута тој Брукс не постигнеше гол и не израмнеше за конечни 1:1.
Секунди беа во прашање, ама тоа е…тоа не можеме да го вратиме.
Дури сега се гледа колку ни недостигаат тие два бода од тој меч со Велс во Скопје.
А ако на 25 март останеше резултатот 1:0 за Македонија, тогаш еве сега како ќе изгледаше табелата:
Македонија 14, Белгија 11, Велс 9…
Уф, штета.
Сепак веруваме дека Македонија следното лето ќе биде дел од Мундијалот, од спектаклот кој цел фудбалски свет со нетрпение го чека.
Познато е дека можеме и преку бараж да го оствариме сонот.
НАПРЕД МАКЕДОНИЈА!
