Најавите се остварија. Ерик Сполстра е новиот селектор на кошаркарската селекција на САД. Главниот тренер на Мајами Хит, Ерик Сполстра (54), е именуван за нов главен тренер на машката кошаркарска репрезентација на САД, објави НБА. Сполстра ќе го предводи американскиот „Дрим тим“ на Светското првенство во Катар во 2027 година и на Олимписките игри во Лос Анџелес во 2028 година
„Ова е неверојатна чест. Претставувањето на нашата земја и водењето спортисти од светска класа на престижни натпревари е една од најголемите привилегии во спортот. Со нетрпение очекувам да ја продолжам традицијата на извонредност и тимска работа што ја карактеризира американската кошарка“, рече Сполстра по неговото назначување. Кошаркарската репрезентација на САД освои 17 златни олимписки медали, вклучувајќи пет последователни (2008-2024) и пет светски титули, најновата во 2014 година.
Споелстра беше помошник тренер на американската репрезентација на минатогодишните Олимписки игри во Париз и асистент на Стив Кер во американската репрезентација на Светското првенство во 2023 година, каде што заврши на четвртото место.
