Од синоќа и официјално Европа го доби својот прв претставник на СП 2026. Тоа е селекцијата на Англија која откако славеше на гости кај Летонија со 0:5, стави печат на пласманот на Мундијалот. Селекцијата на Томас Тухел заврши прва во групата К.
Шанса за такво нешто имаше и Португалија, но Роналдо и другарите во последните секунди од средбата со Унгарија примија гол за реми, и мораше да го одложат славјето.
Инаку досега вкупно 28 селекции се изборија за настап на СП 2026, тука ги сметаме домаќините САД, Мексико и Канада.
Ова се репрезентациите кои досега се пласираа на Мундијалот:
Африка: Алжир, Египет, Мароко, Тунис, Гана, Зеленортските острови, (дебитант), Јужна Африка, Сенегал, Брегот на Слоновата Коска
Европа: Англија
Азија: Австралија, Иран, Јордан (дебитант), Јапонија, Јужна Кореја, Узбекистан (дебитант), Саудиска Арабија, Катар
Јужна Америка: Бразил, Аргентина, Колумбија, Еквадор, Парагвај, Уругвај
Океанија: Нов Зеланд
Северна Америка: Домаќините САД, Канада и Мексико
