Српскиот тенисер Новак Ѓоковиќ загуби од Италијанецот Јаник Синер во второто полуфинале од егзибицискиот турнир во Саудиска Арабија. Синер славеше со 2:0, во сетови 6:4, 6:2.
Натпреварот траеше еден час и три минути, а Синер го контролираше текот на натпреварот со сигурна игра и одлични сервиси.
Ѓоковиќ не можеше да најде решение за сервисот на противникот, а во малку побавниот ритам на натпреварот, карактеристичен за егзибициските дуели, Синер покажа поголема енергија и концентрација.
Италијанецот заслужено славеше и обезбеди пласман во финалето, каде што ќе се сретне со Шпанецот Карлос Алкараз. Финалето на турнирот е закажано за петок.
