Словенечкиот репрезентативец и кошаркар на Лос Анџелес Лејкерс, Лука Дончиќ, е именуван за официјален амбасадор на ФИФА за областа Лос Анџелес пред претстојното Светско првенство во фудбал, кое покрај САД ќе го организираат и Канада и Мексико.
„Многу сум горд. Светското првенство во фудбал е најголемиот спортски настан во светот и многу сум возбуден. Отсекогаш сум гледал фудбал, а го гледам и сега. Тоа е голем дел од мојот живот“, рече Дончиќ.
„Задачата“ на Дончиќ ќе биде фокусирана на областа Лос Анџелес, која е еден од градовите домаќини:
„Лос Анџелес е многу прекрасен град со одлична култура. Фудбалот во Америка станува сè попопуларен, особено тука во Лос Анџелес, и мислам дека затоа е идеално што овој град ќе биде еден од домаќините.
