Оваа година, играчите на Реал Мадрид повторно си добија автомобили од нивниот спонзор БМВ, со кого „кралскиот клуб“ соработува веќе четврта сезона. Прв својот нов автомобил го избрал тренерот Чаби Алонсо, кој се одлучил за луксузниот BMW i7, чија цена започнува од 135.000 евра, а чиј мотор од 544 коњски сили овозможува максимална брзина од 240 км/ч.
Овој модел се покажа како најпопуларен меѓу играчите, затоа што за него се одлучија и Едер Милитао, Дани Карвахал, Винисиус Жуниор, Килијан Мбапе кој дури нема ниту возачка дозвола, но и Арда Гулер, Антонио Ридигер, Карерас, Ендрик и Асенсио.
Втор најбаран модел е моќниот BMW XM, кој во својата најскапа верзија достигнува цена од речиси 200.000 евра и моќност од 748 коњски сили. Овој хибрид забрзува од 0 до 100 км/ч за само 3,8 секунди, а за него се одлучиле Тибо Куртоа, Џуд Белингам, Родриго, Хујсен, Брахим Дијаз и Ферланд Менди.
Неколку играчи се одлучија за различни опции. Мастантуоно избра BMW i4 (вреден околу 50.000 евра, 340 КС), Трент Александар-Арнолд и Едуардо Камавинга се одлучија за BMW iX (околу 80.000 евра, речиси 550 КС), додека Гонзало ќе вози BMW i5 (над 70.000 евра, 340 КС). Голманот Андриј Лунин избра моќен BMW M5, вреден над 160.000 евра, со импресивни 727 коњски сили. За неколку фудбалери, како што се Валверде, Чуамени, Себалос, Алаба и Фран Гарсија, не беше откриено кој модел го избрале.
Real Madrid players with their BMW. 🚘🔥 pic.twitter.com/k2ZwleP6SE
— Madrid Xtra (@MadridXtra) October 16, 2025
