Фудбалската федерација на Косово објави дека официјално го формализираше новиот договор со селекторот Франко Фодa за уште 2 години.
Договорот со Фодa бил потпишан уште на првиот ден од собирот на репрезентацијата во октомври.
Со новиот договор, Фода ќе ја предводи репрезентацијата на Косово до крајот на 2027 година, со можност за автоматско продолжување во случај на квалификација за Европското првенство во 2028 година.
Франко Фода ја презеде функцијата во февруари минатата година и оттогаш го предводеше Косово на 17 натпревари постигнувајќи 11 победи, 2 нерешени средби и само 4 порази.
