Македонското дерби во Шкотска заврши без победник. Поточно, дуелот помеѓу Ренџерс и Данди за кои настапија нашите Бојан Миовски односно Кристијан Трапановски заврши со 2:2.
И тоа со погодок на Трапановски кој што влезе во вториот дел во 66. минута, а погоди по само шеесетина секунди минати на теренот. Во тие моменти Реџнерс водеше со 1:0 со голот на Асгард, но Трапановски успеа да го изедначи резултатот и да му даде шанса на неговиот тим за бодови. Тоа Данди знаеше да го искористи, па по девет минути односно во 75. минута Сибалд погоди за 1:2. Сепак, во 87. минута, искусниот Таверние, го спаси Ренџерс од пораз, и ги постави конечните 2:2.
За домаќинот Бојан Миовски ги одигра сите деведесет минути.
