Голем, феноменален успех на нашиот стратег Ѓоко Хаџиевски со својот тим Спартак Варна. Во меч од елитната лига на Бугарија, некогашниот селектор на Македонија и еден од нашите најдобри тренери успеа да дојде до бод на гостувањето кај гигантот Лудогорец, играјќи 1:1.
Интересно е тоа што во нападот на Спартак Варна, како стартер беше и неговиот внук Георг Стојановски. По ова секако дека нема крај на радоста и задоволството на Хаџиевски.
Инаку ова е прв меч во историјата на Спартак Варна на кој нема пораз на гостувањето кај Лудогорец и петти меч на Хаџиевски со својот тим во низа без пораз.
