Јаник Синер ја одбрани титулата на спектаклот во Ријад, победувајќи го Карлос Алкараз со 6:2, 6:4 во финалето. Италијанецот со тоа ја освои наградата од 6 милиони долари по втор пат по ред, најголемата награда во тенисот. Сите играчи добија по 1,5 милиони за својот настап, додека победникот доби уште 4,5 милиони, што го прави овој натпревар најскапиот натпревар во спортот.
Организаторите подготвија посебно изненадување за италијанскиот ас по натпреварот. Како најдобар играч на овој егзибициски турнир, тој доби рекет направен од чисто злато. Престижниот трофеј му беше врачен на церемонија. Рафаел Надал го доби истиот подарок пред една година. Тогаш, „Марка“ откри интересни детали за овој луксузен подарок – златниот рекет тежи дури три килограми, додека неговата вредност се проценува на околу 250 илјади евра.
