Српските клубови се познати по тоа дека даваат шанса на исклучително млади фудбалери, од кои потоа сакаат дебело да наплатат при нивната продажба. Впрочем така и се прави.
Овојпат во центарот на вниманието на јавноста во Србија, е младиот играч на суперлигашот ИМТ, Алекса Митиќ кој што стана најмладиот стрелец во историјата на шампионатот на Србија.
Тој вчера на „Рајко Митиќ“ во поразот од Црвена Звезда од високи 6:1 погоди за својот тим на возраст од 16 години и 19 дена.
Со што го симна од тронот сега веќе сериозно успешниот Душан Влаховиќ кој за Партизан своевремено реализираше со негови 16 години и два месеци.
