Српскиот тенисер Новак Ѓоковиќ нема да игра на Мастерсот во Париз, објави денес „Еуроспорт“.
Сè уште не е познато дали Новак ќе игра на турнирот во Атина, како и на финалниот Мастерс во Торино во ноември. Ѓоковиќ е седумкратен победник на Мастерсот во Париз, а ова е втора година по ред што не игра во француската престолнина.
Новак Ѓоковиќ потврди на социјалната мрежа „X“ дека нема да игра во Париз и рече дека се надева дека ќе игра следната година.
„Драг Париз, за жал нема да учествувам на Мастерсот оваа година. Имам прекрасни спомени и голем успех сите овие години, особено затоа што успеав да ја освојам титулата седумпати. Се надевам дека ќе се видиме следната година. Ви благодарам“, напиша Ноле.
