Екипата на Струга Трим Лум на најдобар можен начин денеска покажа дека има намера сезонава да атакува покрај на шампионската титула во ПМФЛ шампионатот, и на Купот на Македонија.
Во рамките од 1/8 финалните мечеви кои беа денеска на програмата Стружани на гостински терен во Скопје против екипата на Македонија ЃП извојуваа убедлива победа од 0:5. Серијата погодоци ја започна Ивковиќ, за да потоа погоди и Воша во второто полувреме, па Компаоре, па Малески, за да серијата погодоци во противничката мрежа ја заврши Стефан Јевтовски.
Од друга страна пак, во прволигашката пресметка во Куманово, тимот на Силекс исто така мина во следната фаза откако со 1:2, го совлада Башкими. За гостите уште во четвртата минута погоди Додев, а пред полувреме изедначи Симоновски. Милош Николиќ во 68. минута по мешаницата од изведениот корнер најдобро се снајде и погоди за 1:2, што беше и конечен резултат.
„Романтичарите“ на пенали ја елиминираа Брегалница
Од друга страна пак, во дуелите ПМФЛ – ВМФЛ, тимот на Работнички по подоброто изведување на пеналите откако регуларниот дел заврши 1:1, ја совладаа штипска Брегалница. Херој на домаќинот беше У21 репрезенаттивецот Васко Василев кој што до одбрани клучниот пенал на Коцев, капитенот на гостите.
