Менаџерот на Арсенал, Микел Артета, за победата на неговиот тим од 4-0 над Атлетико Мадрид во Лигата на шампионите, зборуваше со посебни пофалби за Виктор Ѓокереш, кој постигна два гола во синоќешната победа.
„Беше навистина тежок натпревар. Дури по првиот гол противникот малку се отвори и ни стана малку полесно да ги пронајдеме просторите пред голот на гостите. Прекините беа еден од начините на кои можевме да им наштетиме и ми е мило што нашата стратегија функционираше. Го почитувам Виктор Ѓокереш. Тој има многу високи стандарди за себе, но ние цениме сè што прави за тимот. Ја видовте насмевката на неговото лице. Тој постигнува многу голови во последните две години и се надевам дека сега ќе може да започне одлична серија и овде“, рече Артета по натпреварот.
