Американскиот кошаркар Џаред Батлер е новото засилување на Црвена звезда. Поранешниот играч на Филаделфија и поранешен шампион на НЦАА со Бејлор потпиша договор со Црвена звезда.
„Тој во нашиот тим внесува бројни квалитети на позициите плејмејкер и шутер бек, кои во моментов се ослабени поради отсуството на бројни играчи поради повреди“, објави белградскиот клуб.
Џаред Батлер, кој има 25 години и е висок 191 сантиметар, беше избран од Њу Орлеанс Пеликанс на НБА драфтот во 2021 година. Тој досега одигра 148 натпревари во НБА, со просек од 6,7 поени, 1,5 скока и 2,8 асистенции, играјќи за Јута, Оклахома, Вашингтон и Филаделфија.
