Џеј-Џеј Редик пред новинарите излезе со информација за состојбата со повредата на Лука Дончиќ.
Словенечкиот плејмејкер одигра 41 минута и постигна 43 поени на првиот натпревар од сезоната, но пријави дека почувствувал непријатност во внатрешниот дел од бутот кон крајот на мечот. Лекарите на тимот работеа со Дончиќ долго време по натпреварот.
„Изгледа добро. Не мислам дека е нешто сериозно. Работевме со него утрово; немавме долг тренинг, но тој учествуваше“, сподели главниот тренер на Лејкерси.
Следниот противник на тимот ќе биде Минесота и Дончиќ би требало да биде во составот.
